بـعد كـل ذوق مـاكو ابـطـبت الـــبـيت
احـس مـابي بـشر بـس الـحياطــــين

يـتامه انـصير كـون اعـمارنه ازغـــــار
يـيــمه اكـبار وخـلافـچ مــساكــــــين

بـعـدچ يـاحـظن نـتـلـفـلـف ويـــــاه
يـاحـظن الـمـحـنه الــبـيهه غـافـــين

بـنـيـتـي اعـمارنـه وشديـتي الاحـزام
عـفـتـينه اعـله ابـوالـنص لـيش ترحين

چـثيـر احــساب عـنـدچ مـاگـضـيـتـيه
دكـملي احــچـايـتچ مـو چـنـتي تحـچــين

اجـاچ الـموت يـمه بـغـفـلت اللـــــيل
رضـيتي اشـلون يـمه ويـاه تـمـشـين

مـاانـصف وكـــتـنه حـيـل ويــــــاچ
خـذاچ بـلاوداع مــن المــحــبــيـن

يـيـمـه بـداعـت اللـه واللـه ويــــاچ
روحـي مـودعـه وجـدامـچ حـسين

تـهل ادمـوعـنه ومـاتـبـطل اعـلـيچ
تـعـمه انـشاءاللـه وخـل ترگد العين

صـرنـه ايـتام يـمه انـجدي الحضون
حـيل ابـعازتـچ مـو بـينه تـــدريــن

عـيب اتـنام عـيـنچ مـن يـمر لــيـل
تــغـطــيـنه بـحـنـانـچ مـاتـنامــين

فـارگـنه الـوسـن مـن رحـتي لليوم
عـجـيبه اشـلون يـمه الـهسه تـغـفين

گـبل تـقريـن عـيـني شـرايـده اتگول
بـعـدهي احـچــايـتي بگـلبي وتـعرفين

وهـسه انـون ونـين الـفاگـده اعــزاز
كـل هـذاه الـونـين ومـاتـسمـعــــين

الـف رحــمه اعـله گـبرچ يـم الــولاد
ربـيـتي وتـعبـتي بـعـسر الـسـنــين

احـنـه الـشوفـتچ مـو غـيرها انـريد
رغـد نـامـي بـسلام ولا تـهـمـــين

يـظـل ذكـرچ يـيـمه ايـطوف بـالـبال
بـيـنه ايـروح ويـرد مـوش نـاســيـن