للشاعر اثير السلمان 

المني يزعل لايرد يطلب رضاي
المني خايف عني خل يحجي ابگفاي
مايهمني اشما حجه وشما يگول
لاوصلني ولا وصل حد مستواي
جرف طبعي اشما يدغدغ بيه روج
ابظهري عيشت الخلگ وبصدري ماي
انه ذاك الگاعي ماوصلتهه ايد
گاعي ماواصلهه شيطفرك سماي
الموثجيل ايطيح ماتعبت ادين
ابلايه غربيل ونزل من محتواي
انه ساكت مو ظعف تعرفني زين
الظعف خله وانه ابد ماعندي هاي
انه حاسب للملح والعشره ذيج
انه ساكتلك فقط من مستحاي
شمس انه ومن ادوزن وجهي ليل
ومن اردن يترس العالم ضواي
انه ذاك العاش كل ظنك يموت
الگصب من ايموت يحيا ابموته ناي
انه رايد صاحب ايفرزني زين
يقره البالي ولاينطر نداي
هذا الاتجاسم وياه ومستراح
ولو تشح وياه اتجاسم هواي
وانه حاسب كلشي منك واليصير
وكلشي اليصير ابمرامي ومشتهاي
وانه گتلك بلبدايه وما اعيد
المني يزعل لايرد يطلب رضاي
المني يزعل لايرد يطلب رضاي