المهجر الابدي 

وين رايح والعمر يسال عليك 
          والجروح بفكدك تخضر جمر
جنت امرابيتكم حتى استراح 
        وجنت اشوفك بسمه بعيون الفجر 
انته طولك مستحه وبيه كبرياء 
       شايل بنضرات عينك جم ستر 
يله حدد موعدالساعة لقاك 
           حتى اشيل افراكك الماينحزر 
هسه وين الكاك يلما خذ هواي 
        مو بقيت بدونكم ناقص عمر 
وين رايح والكبر مابيه مجال 
             وراح اعد خطوات عمرك جم شبر
وراح اعوف الروح حتى امشي بهواك 
       يلخذت كلشي بهواك بلا سعر 
وين رايح يلكبر جرحي بجفاك 
          وذنب هجرانك ذنب ماينغفر