خاطر لاتكلي شكثر مشتاك
اسئل بابكم جم مره مريت
كل شي البيه اثرمنك يرد روح
الهوى لوما انفاسك ماشتميت
ردت اغسل اشواكي وفكرت بيش
تراب الداسه جدمك بيه تحنيت
امس انفاسي راد تلقتي وياك 
وذبل لون البواجي وانته ماجيت
عشكتك عن قصد عايز معاناة
تلميذ بغرامك يلترهيت
يلبايك عيوني بلذة الشوف
وحك من صاغ طولك ماتوانيت
صدى نكاط صوتك خضر اهات
وصفنات شكثر طشيت بلبيت
حسره يجرخيالي مطرزه ادموع
جمرواتبده جدمك لوتعديت
رسن للروح ماكو وخاطر تهيد
وتعتني بزجر وازجره ظليت
عله طاري نظرتك تاخذ ارواح
 سدبيبان حسنك لوتماديت
ضوكني عتب لكن زعل لا
عتابك من حلاته جفون رخيت
راكد ثوب صبري وغارك بروج
يلط بحرامنياتي وماتراخيت
تطلع ضحكتي مكسوره مرات
وبطور الثكالثه هواي غنيت
وي ميل الدقايق عندك اشكال
فهمني الوقت لوانته شحيت
ماضكت البرد يطربني تموز
فصل واحدعشرتك ماحتريت
واتنفس ربيع من اوكف وياك
وامدشوفي علطولك لواشتاكيت
عثرت اباب رمشك عثرة النوك
وبركت ومابعد منك تكفيت
طيبه وكلبي الابيض حسرة الليل
كلي كبال كلك هلتبديت
سيرلي  بحلم فارشلك عيون
ومهدر سوالف  لواحتاميت
واعزبلك غنه واعلكلك بخور
واذبحلك الواهس لوتوازيت
عودالمس جفوفك واحترك بيك
بعدني اشكر وجودك ماتعافيت