.روح ابراحتك وشلت خلكي وياك 
مو ازمة ابغيابك حسرة وتعدي
منخل جان كلبك مايكض الزين
وانه كضيت عمري من الجديد ابدي
روح وهم ترد جي لان سعرك ماي
الناعور ابمزاجه ايجيب ويودي
لأن دخان طبعك والهوه ايدليك
ابشرك من ترد تلكاني مو وحدي
رخيص انته وطرت بس قرو بذنك ريش
ربيتك اللحيمي ومن صرت ضدي
ولو بزر العكارب تطعن امهه اتعيش
بس انه الطعني اللابد ابسدي
ابوغيره الشمع من كصته عمره يسيل 
اليحبك كون كلبه وكصته اتندي
حلو معنى العشك بس التخون اهواي
وانه الخاين عشرتي انسان من عندي
ولو مات الكصب خاطر يعيش الناي
وانه طبعي غشيم وماصرت بردي
على نيتي اغمض جنت وامشي وياك
فطير البلم يمشي ابراي كل مردي
والهذا السبب ايدك الغيري اتصير
الدرب علة الاعمى ورزق المجدي 
صرت قطعة اقماش استر ومامستور 
الدمع يستر استرارك بس فضح خدي
اشعجب حبيتني اعللصيت كلبي اشبي
الساتر مايميز كشخت الجندي