(رسالة من ذالك العاشق في الجيش العراقي الى حبيبته) 

ذكرتج ونݘفه الغالي اعله طاريج
وفوگ اصورج ادموع وتبديت

ورغم ذاك البرد والليل وجفاج
ذكرت اعيونج ويمهن تدفيت

ورجف بيه الهوه سعفه بمهب ريح
وبيها الشوفتج كلش توازيت

انه اختل من يمر طاريج ع بال
وحكج من فشگهم ما ختليت

ولا رجفن اجدامي امن الثگيلات
ولا رف جفن عيني ولا هتزيت

آنه الرديت گاعي بها يلولاد
وصورج والعلگ بزنودي شديت. 

وعبر ليلهم وحلامج وياي
وطولج جان گمره وبي تباهيت

اموت وذكرياتج تارسه البال
ٱنه دورتج وما دورت صيت

احتلو گاعي وگلت السكت عار
لاغضيت عنها ولا تناسيت

وشلت صبر البدو اعله الثار لو فات
وخذت منهم مربع دوست البيت

وحتليت كلمن دايس الگاع
وخصله بشعر راسج ما احتليت

خذاني المستحه.والعيب. والناس
ثگل بيه الج ثگل التوابيت.