يالـكلتلي الخاطري انـساني ارد اجيك 
مانـسـيتـك وارد اجـيـك اتـعــــــــذرك

انـت لــــو من بين الف ولفي اعتـنيك 
او لــــو يخيــروني بـمـلاك اتـــخـيرك

اخ يـالمـاخذ ضــوه الـغـبشـه بـجــفاك
وتـضـوي دنـياي واشـب بـمـــعشـــرك

مانـمــت بــــجــــــفـاك ليله ارد انـــام
اشلــون انـام وانـت تـبـجي اتصورك

اشـلون اهـود وانت يـم واحد غـريب
الـبـدوي مـايـرتـاح اذا ثـــاره انتـــرك 

والله مــو بـيدي وصيتك كلفه حــيل
والـيـحب مايـنـمنـع لــــو مــــو شرك 

الــفــركـانـه ارد اكلـّه اشـجـنـيــــــت 
وهــسه شـوف اشـلون ربـك عـــثرك

اليوكف بــدرب العشك كـتله حـــلال
والـيـفـرك اثـنـيـن مــن يا مـعـتـــرك

كـتلي لاتـكتـب شـعـر ظدي ومشيت 
وكـلبـت شـعري ولـكـيته الـخـاطـرك

وراجـعـت ذيـج الـرسايل والــــغرام
وكــلـبـي حــن ليـك وتمـنيت اخبرك 

ردت اكـلـك ماكـتـب قـلـمـي عليــك 
قلـمي يكـتب لـيك وانــت اتـخـيـرك

وانـه الـــمن جــاي يــمك مادريـــت 
كلــت بــاول بـيـت جــاي اتـعــذرك
الشاعر مجتبى الحاتم