((تعبتلهم ))

تعبتلهم     لحد   ما  بينت    عندي
عرفت الصدك معدن  من  اليصدي

ربعي اطيتهم من هوه الريه امتاع
وكت جانت مجاعه اوبيه كلو زندي

وشم دكيتهم   وركض  وشم الجاي 
منهم   ورد  ردتت بيه مرض معدي

كل هذا  اوبعدهم  ربعي ما  راظين 
وكل الروحي اصبري اوباجر اتعدي

صرتلهم   بلم   وبطني صار الروك
ذمو  كلشي  بيه  الخاطر   المردي

نشفت    النهر    والكيتهم    مران
ورد  فوك  اولجوه اعروكهه اسدي

درت وسهامهم ترسن ترس مكفاي 
لحد  ما صار  منخل  بطعن  جلدي

بيه جروحهم جن شفت امعرسين 
حمره وانه  اكلهم  هل  حلم وردي

صلبوني اوصحت لا جاي يشاغون
وطو كلشي   بيه  انطيتهم  جبدي 

ذبوني وطحت طيحت السنبل خير
صرت مثل الشهر كل ما اموت ابدي

كصب من انجرد انحط ابيت ايواد
وقسم  رادوني  ناي  اوزرفو  خدي

خلوني اومشو وانه  التبعت  النوك 
على حن البروحي الحادي ظل يحدي