الشاعر محمد الطالبي 

قسمة وصيت" للشاعر " محمد الطالبي 
كل غصن يابس عشگ تلگا رچيچ
و نية الفلاح يشجر منه نار

بالك وتستسلم المنجل عويج
بلحظة يتغاضى ويطگ بيك الخضار

عاش هيبة الماي سباحة غريج
الماسجد لجروفة معناها الحصار

العندة حگ لايختل وصوته خفيج
البي مراجل فَرَّع بعز النهار

الوادم ادور فعل كونك غميج
شينفع لسانك لون طفر شرار

الاسد موش الاسد وكت الهجيج
الهيبة راحت مابقت من فكة فار

هي دنيا وبالك تشك بيها زيج
الباع محبوبة ايتكتر مايغار

القسمة شنهي القسمة بس انطوها صيت
استفحلت عالمالكت عدهم قرار.