.....التايهات.....
أسميهن أيخبلن
وأدري مو زينات..وأكلك فدوه لله منييين جايبهن.....
أعمه الحب عرفته
واعمه صرت وياك
وعلى عيوبك عيوني ولا مدربهن..
دوم أبالي باقي
وماتريد أتروح
مثل التايهات الما محسبهن.....
مالايك عليه 
وكلت حيل تلوك
وأشوفك لو خنت 
وعيوني أﭼذبهن..
أسافر لو ردت. من عندك أنه أرتاح..
سود أيامي يمك وأبد ماحبهن..
هم انت ورضيت بهمي وياك..
وكل طعنات ﺣﭼيك
 بوسه حاسبهن..
قسمتي من الله همك. وأحمد الله هواي.
وكلت همومي نعمه. والله كاتبهن..
ماعاتب عيونك بالﺤﭼي المظموم
عيونك مو الأحبهن ليش أعاتبهن..