اريد ارباي يمه وهزت الكاروك
واريد الليل ذاك الما طبگ عيني
واريد التعب يمه وچلمت الدلول واريد السهر يبني الچان يطوينـي
ابرد من يلوحك برد بجويريـــد واصيرلك ذره يالولد تدرينــــي
واذا مسك الحر ابشمس من تمــوز ادور ويه الشمس والشمس تچويــني
جم نذر النذرته وردت بس اتعيش وجرعات الصبر ملت فناجينـــــي
زرعتك شتله يمه بدمع عيني اسگيك شتله اعروگهه امسبحه ابشراييني
اذا تطلع ييمه اتأخرت ما جيت سچاچين ابدليلي اتحد سجاجينـــي
تحرم گعدت البيت انته ما موجود اسأل عتبت الباب التلفينــــي
واضل امناطره وعيني اعلى دربك دوم واصبر الروح هيدي وهسه يلفينـي
واذا تگبل ييمه واشم عطرك ريح عباره عن دمع وآهات تلگــــيني
مارتك تجيني اتبوسلي الرجلين ولـــو گالو اجنانك حدر رجليني
ابكثر هزت المهد حسبات عندي وياك ابكثر دمعات عيني ونوحي وونيني
احسب ويه روحي من جنت بصباك كلت يمكن قليل ابروحه يفدينـي
حسبتك تلمني ابوكت محنه اضلوع ما حسبت خيبة امل تنطينـــــي
منه ماي ورويتك من صرت لليوم تالي ابكل بساطه ابهيمه تچفيـــني
دعوة والده ويمكن مجاب الصوت الآهي اتحفظه اريدك وانته جازيني
على مودك ليالي العسر جازيت
روحي امن التعب واللوم جازيت
تعبت اعليك يبني وعكس جازيت
ولا چنك ربيت ابين اديه