أي شجاج أحجيلي أريد أفهم شجاج
جنتي حرمه بشاربي وصاين هواج
جنت أسولفلج سوالف بيها خير
مو سوالف بيها أطيح مستحاج
وجنت أتعوذ أذا وازانه ليل
وماغواني أبليس وأبنادم غواج
شبيج صدكتي القره براسج غرام
وأنه أيه وصوره أحس كلبي قراج
وداعة أمي عيوني جانلج حجاب
وجانت جفوفي عبايه أتهد وراج
وجنتي كلشي وهسه صار الكلشي جان
من تركتي الله ومشيتي بمشتهاج
شكد رضيت الله لأن خايف عليج
ولأن خايف ماحضى أحساسي برضاج
ردت نمشي ألكربله وبيها نطوف
ورحتي ع الراح وعلى الشينه خذاج
تالي عافج شجره تعبها الخريف
موتي وكفه الوكع أوراقج نساج
وأنه أعذريني السده بحالج جبير
مو ذنب هين وأكول الله هداج